عوده للطفوله (( قــــــديــــم ))

صورة وحده لابسه اسود وتوزع مناديل

آآآه يازين ايام اوّل...ايام البراءه..ايام الطفوله...ايام
السعاده .... الخ او ن .ك وفي روايه انظر الكتاب <حد يعرف هالشئ والي يعرف يقول
وله هديه كويسه < تسمع بالتشويق

اانسدحت عالكنبه واخذتني الذاكره الى الوراء - صورة قرويه قاعده عالكنبه وماسكه طاسة رز ولبن وتتهاوش مع اختها
عالريموت

المهم.. رحت قوقل وجبت لكم كم صوره..عشان نقعد سوا ونقلّب
في ذكرياتنا شوي


نبدا مع اوّل فلم كرتون

رغيف



رغيف ذا فلم كرتون==بالله؟؟
طبعا تعبت وانا ادوّر صورته
بقوقل.كل ماكتبت رغيف تطلع لي صورة خبز ...عموما..وش كان يسوي هالرغيف؟؟ تبون
الصراحه؟؟ مااذكر سالفته بالضبط ..اذكر انه اذا جاع ياكل شوي من راسه او شئ زي كذا
يعني.. ..مدري خويّه ياكل منه...يعني..مدري بالضبط خويّه والا هو..هو والا
خويّه..العلم عند الله

فلونه..وفي روايه اخرى"رنه"


برضو كنت اتابعه والي اذكره منه انهم ضاعو وراحو لجزيره واذكر حلقه
لمن قعدو يسون جزم بالمطاط



كالميرو



كتكوت تكروني..من يوم
طلع من بطن امه وهالبيضه فوق راسه..مدري هو متعيجز يشيلها والا السالفه سالفة
عباطه..بس ناسيه سالفة الفلم كرتون بالضبط

وش رايكم نروح للصوره اللي
بعدها؟؟==ماسكه سطل وتلقّط وجهها


لولو الصغيره...لولو...حكايتها مثيره..لولو...



هالفلم كرتون يجي معه طقم بسكوت ...ياهو لذييييييذ بشكل..كليجتين
وبوسطهم شوكولاته وعليهم علك لبان==يرحم امك لاعاد تشرحين شئ ماقد ذقتيه في
حياتك



ليدي...



تقهرني ياناس تقهرني..كثافة شعرها مو طبيعيه.. ..العن ابوه من
شامبو تستخدمه ..لاهوب بانتين ولاهربل ولاصانصيلك... ..اهب ياشعر تسنه مخدّات سليب
هاي((صورة ليدي مصلّعه وواقفه تحتري مني غسول))
لا واللي قاهرني انها مسويه
فيها فارسه لابوها لابو ابو ابوها..يقال لها الحين علياء الحويطي على
غفله<==ابوس ايدك لاعاد تجيبين امثله مره ثانيه

ماروكو((قلوووب من هنا لييين اليابان))



لاتعليق..وش اقول؟؟ وشلون اوفيها حقها هالانسانه؟؟ وشلون ابتكلم
عن وحده تمثّل نصف شخصيتي..هذا اذا ماكانت كلها<==ونعم الشخصيه


السيده ملعقه



امّي اللتي لم
يتزوجها ابي ...اموت
فيها وفي وجهها هاللي كنه كوروسان...وهـ فديت هالاذون اللي كنهم مضارب كرة
تنس...وهـ فديت هالملعقه اللي ورى ظهرها يقال لها روبن هود..آآآآخ
بس

الصياد الصغير



ابو نعول خشب
..من يصيد سمكه تشوف الكاميرا تجيب رجوله وهي متشبثه بالارض والنعله صايره
كنها قارب من كبرها. .اتوقّع مقاس رجله 60-66 هه في هالحدود<===تقلّب بيدها يمين
ويسار

وماباقي سمكه في الدنيا ماصادها ..عاد ياليت مرّه تطلع له جزمه والا
غرشه فيها ورقه والا وصخ والا اي شئ ..لا..كلّه سمك كلّه سمك <==منيب حقوده ابد


الكبتن ماجد



عاد تصدّقون لو قلت لكم انّي كنت خاقه معه؟؟ ...بس بعدين طاح من
عيني لما دريت انه مجرد فلم كرتون مووب صدق..وانا الي كنت ناويه اطيّحه واجيب راسه
لين يجي يخطبني من ابوي ..طاح من عيني الخسيس..النذل يطير بالهوى ويهايط على ربعه
ويسدّد اهداف ويتهاوش مع اخوياه وآخرتها كرتون؟؟ كرتون ياماجد؟؟ اخس


سالي



صدّقتك بالله ..مسويه فيها حبيّبه وتكسر الخاطر ....قال ايش..مره
كانت جوعانه وماعندها فلوس وراحت مخبز ..المهم قامت الخبّازه عطتها صاموليّه
وحده..طلعت سالي وهي فرحانه ويوم شافت وحده بالشارع كسرت خاطرها وعطتها
الصامولي..ياشيخه اطلعي من حياتي..اطلعي من مخّي ..مااحب الزلايب انا ..زين اللي
تسويه فيك الآنسه منشل ياكذوبه..الله بيوديك النار




نحول وزينه



اشتهر بطريقه مو طبيعيه ...جرّبي وخلي احد يسألك وش لونك؟؟
..بتقولين زينه صح؟؟ عاد اذا مو زينه هذي مشكلتك والله مو مشكلتي
....المهم..لأاقلتي زينه..فيه احتمالين ..الاحتمال الاول اذا كان اللي قدّامك بثر
وماصل ويسمع بالعياره..بيقول لتس زينه والا نحول ...اما اذا كان خفيف دم وماله
بهالسوالف..برضو بيقول لك زينه والا نحول


عبقووور



هذا عبقور ومن
لا يعرف عبقور ! تراه قطو على فكره..

كل شي تلقاه في جيبه ياحظ صديقه عامر
حظاه..


نواار



شفته اول مره في
القناه الاولى (قلووب من هنا لين التلفزيون السعودي)مرره حلو يحكي عن دار الايتام
اذكر اختي لمن خلص قعدت يومين وهي تبكي < رومنسيه لابعد درجه


مدينه
النخيل



منار وتالا برضوه كنت احب ذي الكرتونيه بس كنت احب بلوط وعلقم
واكره تالا مال امها داعي مسويه روحها رومنسيه اقووول مناك مو علي ياتالا < دخلت
جو

تذكرون الغنمه الي كانت ترقص في اغنيه المقدمه كان يعجبني فستانها

وطبعا فيه كثير كثييييييييير افلام كرتون ماذكرتها ..تعبت وانا
اتكلم..بحط لكم صور بس

جازورا




هيييي
ياباااات < كنت اسميه كذا




اليث الابيض




بكبانثر
وفي روايه اخرى "النمر الوردي"





عدنان ولينا





امصل كرتونيه بالعالم بوزو



*

والله رجعتيني اياااام زمان

لما كنا نتفرج خخخخخخخخخخخخخخخ

يسلموووو والله يعطيك ربي الف عافية يارب

الله يعافيك يارب
نورتي بطلتك الحلوه ياعسوله